விஜயசாந்தியின் நடிப்பில் உருவான "வைஜெயந்தி ஐ.பி.எஸ்'. "பவானி' என்ற பெயரில் ரீமேக் ஆகிறது. விஜயசாந்தி நடித்த போலீஸ் கேரக்டரில் சிநேகா நடிக்கிறார். கிச்சா இயக்குகிறார். இப்படம் குறித்து பத்திரிகையாளர்களை சந்தித்த சிநேகா கூறியதாவது:""ஒவ்வொரு நடிகைக்குமே வித்தியாசமான கேரக்டர்களை தேர்வு செய்து நடிக்க வேண்டும் என்ற ஆசை இருக்கும். அது போல் எனக்கும் ஆசை இருந்தது. சினிமா வாழ்க்கைக்கு முன்பே விஜயசாந்தி படங்களைப் பெரிதும் பிடிக்கும். இப்போது அவரின் கேரக்டரில் நடித்திருப்பது சந்தோஷம். அரசியலையும், என்னையும் சம்பந்தப்படுத்தி மீடியாக்கள் பெரிய அளவில் எழுதி வருகின்றன. எனக்கும் அரசியலுக்கும் எந்தவித தொடர்பும் கிடையாது. அதனால் என்னையும் அரசியலையும் தொடர்பு படுத்த வேண்டாம். என்னிடம் சினிமாவை பற்றி மட்டுமே கேளுங்கள். எந்தக் கட்சியிலும் நான் சேர மாட்டேன். எனக்கு அது பற்றி ஒன்றும் தெரியாது. இந்தப் படத்தில் எனக்கு பஞ்ச் வசனங்கள் இருக்கிறது. ஆனால் ஹீரோக்களுக்குப் போட்டியாக பேசவில்லை. படத்துக்கு தேவைப்பட்டது. விஜயசாந்திக்கு இந்தப் படத்தை காண்பிக்க ஆசை இருக்கிறது'' என்றார் சினேகா.(dinamani)
No comments:
Post a Comment