நடிகை சமீரா ரெட்டி புதிய படமொன்றில் விலைமாதுவாக நடிக்கப் போகிறார். வாரணம் ஆயிரம் படம் மூலம் தமிழில் அறிமுகமாகி ஏராளமான தமிழ் ரசிகர்களை பெற்றிருப்பவர் நடிகை சமீரா ரெட்டி. பாலிவுட்டில் கொடிகட்டி பறந்த சமீராவை தமிழில் அறிமுகப்படுத்திய டைரக்டர் கவுதம் வாசுதேவ் மேனன் இப்போது மீண்டும் ஒரு படத்தில் சமீராவை நாயகியாக்கி இருக்கிறார். சமீபத்தில் வெளியான அசல் படத்தில் சமீராவின் கேரக்டர் பேசும்படி அமையாவிட்டாலும், ரசிகர்கள் சமீராவின் அடுத்த படம் எப்போது? என்று எதிர்பார்த்து வருகிறார்கள். கவுதம் வாசுதேவ் மேனன் அடுத்து இயக்கவிருக்கும் புதிய படம் மர்மம் கலந்த திகில் படமாம். இப்படத்தில் சமீராதான் நாயகி. விலைமாதுவாக நடிக்கப் போகிறார். நாயகனாக நடிகை மகேஸ்வரியின் சகோதரர் நடிக்கவுள்ளார். பொதுவாக முன்னணி நாயகிகள் எவரும் விலைமாதுவாக நடிக்க தயங்கி வரும் நிலையில் சமீரா அந்த கேரக்டரில் நடிக்க ஒப்புக் கொண்டிருக்கிறார் என்பது குறிப்பிடத்தக்கது. டைரக்டர் கவுதம் கேட்டுக் கொண்டதால் ஓ.கே. சொல்லியிருப்பாரோ என்னவோ?
No comments:
Post a Comment