மன்மதன் அம்பு படத்தின் ஆடியோவை அயல்நாட்டில் வெளியிட்டு விட்டு தமிழகம் திரும்பிய கமல், கே.எஸ்.ரவிக்குமார். உதயநிதி ஸ்டாலின், உயிர் சங்கீதா, தேவி ஸ்ரீபிரசாத் உள்ளிட்ட மொத்த யூனிட்டும் இரண்டு நாட்களுக்கு முன் பத்திரிகை மற்றும் மீடியாக்காரர்களை சந்தித்து படம் பற்றி பேசியது. அதில் த்ரிஷா கலந்து கொள்ளவில்லை. இதுபற்றி கேட்டதும் ஏதோ வெளியூர் திருமணத்தில் கலந்து கொள்ள த்ரிஷா சென்றிருப்பதாக கூறினார்கள். (நிஜம் தானா..?)
சரி படத்தின் கதையை ஒரு வரியில் சொல்லுங்கள் என கமலிடம் கேட்டபோது, கமல் கதையை பற்றியோ, கதாபாத்திரங்களைப்பற்றியோ மூச்சு விடவில்லை. சரி அம்பு எது? அம்பு எய்யப்படும் டார்கெட் எது.. என ஒரு நிரூபர் கேள்வி கேட்டதும் உற்சாகமடைந்த கமல், மன்மதன் அம்பு படத்தில் அம்பு நாங்கள் எல்லோரும், டார்க்கெட் நீங்களும், ரசிகர்களும்தான் என பதில் அளித்தார். அப்போ த்ரிஷாவுக்கு என்ன வேலை? என்று ஒரு நிரூபர் அப்பாவியாய் முணுமுணுத்தது கமலின் காதில் விழாத காமெடி!
No comments:
Post a Comment