அண்ணாமலையார் கோயில் கோபுரங்களுக்கு ஒளிரும் விளக்குகள்: ரஜினிகாந்த் ஏற்பாடு

 திருவண்ணாமலை அண்ணாமலையார் கோயிலில் உள்ள 4 கோபுரங்களுக்கும் ஒளிரும் விளக்குகள் பொருத்த நடிகர் ரஜினிகாந்த் முன்வந்துள்ளார்.
பஞ்சபூத தலங்களில் ஒன்றான திருவண்ணாமலையில் நடைபெறும் கார்த்திகை தீபத் திருவிழா விழா, பௌர்ணமி கிரிவலத்துக்கு பல லட்சம் பக்தர்கள் வந்து செல்கின்றனர்.
2000-ம் ஆண்டில் கிரிவலப் பாதையில் மெர்குரி விளக்குகள் அமைக்க நடிகர் ரஜினிகாந்த் நிதியுதவி செய்தார்.
இதன்பிறகு கிரிவலம் செல்லும் பக்தர்களின் எண்ணிக்கை பன்மடங்காக பெருகியது. தற்போது கோயிலின் ராஜகோபுரம், திருமஞ்சன கோபுரம், அம்மனி அம்மன் கோபுரம், பே கோபுரம் ஆகிய 4 கோபுரங்களுக்கு ஒளிரும் விளக்குகள் பொருத்த நடிகர் ரஜினிகாந்த் முன்வந்துள்ளார்.
அதன்படி ஒவ்வொரு கோபுரத்தின் முன்பும் 4 சக்தி வாய்ந்த ஒளிரும் விளக்குகள் (போக்கஸ் லைட்டுகள்) பொருத்தப்பட உள்ளன.