டெலிசிப்ஸ்

"ராணா'வில் ரஜினிக்கு ஜோடியாக்க தீபிகாவை அணுகியதும் மிகவும் மகிழ்ச்சியடைந்தாராம். அதே நேரத்தில் ""கதையும் முக்கியம்''ன்னு சொல்லி கதையைக் கேட்ட பின்பே நடிக்க ஒப்புக்கொண்டாராம். பாலிவுட்டின் கால்ஷீட் தீபிகாவுக்குப் பெரும் பிரச்னையாக இருக்க, ஆமீர்கான் ஜோடியாக நடிக்க வந்த "தூம் 3' பட வாய்ப்பை தவிர்த்திருக்கிறார். ரஜினி -தீபிகா பங்கேற்கும் பாடல் காட்சிகள்தான் முதலில் "ராணா'வுக்காகப் படமாகின்றன.
 ஒவ்வொரு வாரமும் செவ்வாய் இரவு 9 மணிக்கு டிஸ்கவரியின் "மேன் - வைல்ட்' தொடரில் பியர் கிரில்ஸ் மிக ஆபத்தான கொடிய விஷப் பாம்புகளை எதிர் கொள்வதையும், உணவுக்காக பச்சையாக மாமிசங்களை உட் கொள்வதையும், தண்ணீரில் முதலைகளுக்கு மத்தியில் நீந்துவதையும் இன்னும் பிற சாகசங்களிலும் ஈடுபடுகிறார்.
 ஆபத்துகள் நிறைந்த சூழலில் பியர் அங்கு தங்குவதையும், தேள் மற்றும் பூச்சிகளை உட்கொள்வதையும் இன்னும் பிற நினைத்து பார்க்க முடியாத விஷயங்களையும் செய்து காட்டுவதையும் இதில் காணலாம்.

"அவன் - இவன்' படப்பிடிப்பை முடித்து விட்டார் பாலா. ஆர்யா, விஷால் இருவருக்கும் கிரேஸியான கெட்டப்பாம். ஆர்யாவின் பெயர் கும்புடுறேன் சாமி. விஷாலுக்கு வால்டர் வணங்காமுடி. பாலாவின் மற்ற படங்களைப் போல் அல்லாமல் முழுக்க முழுக்க நகைச்சுவைதான் திரைக்கதையில் நிரம்பி வழியுமாம். மே மாதம் படம் வெளிவந்த பின் உடனே அடுத்த படத்தையும் ஆரம்பிக்கிறார். புதுமுகம்தான் ஹீரோவாம். படத்துக்கு பெயர் "அகங்காரன்'.(dinamani)