ஹீரோவை மாற்றினால் நடிப்பேன்: அனுஷ்கா

 ‌பொதுவாக மாஸ் ஹீரோக்கள் தான் தங்களுக்கு ஏற்ற கதாநாயகிகள், இசையமைப்பாளர்கள் உள்ளிட்டவர்களை தேர்ந்தெடுப்பார்கள் அல்லது இவர்களை மாற்றுங்கள் என்று கூறுவார்கள். ஆனால் இப்போது நடிகைகளும் இவ்வாறு கூறு ஆரம்பித்து விட்டனர். அந்த‌வகையில்
நடிகை அனுஷ்கா, டைரக்டரிடம் சென்று ஹீரோவை மாற்றுங்கள் இல்லாவிட்டால் நான் நடிக்க மாட்டேன் என்று கூறி அதிர்ச்சி அளித்துள்ளார்.

தமிழ் மற்றும் தெலுங்கில் நடிகர், நடன இயக்குநர், டைரக்டர் என்று அசத்தி வருகிறார் ராகவா லாரன்ஸ். தமிழை காட்டிலும், தெலுங்கில் தான் லாரன்ஸ் மிகவும் பிரபலம். தற்போது ஒரே சமயத்தில் தமிழ் மற்றும் தெலுங்கில் ஒரு படத்தை இயக்க இருக்கிறார். படத்தை இயக்குவதுடன் ஹீரோவாகவும் நடிக்க இருக்கிறார் லாரன்ஸ். இதில் கதாநாயகியாக அனுஷ்கா நடிக்கிறார். ஆனால் அனுஷ்கா, லாரன்சிடம் ஒரு கண்டிஷன் போட்டுள்ளார். அதுஎன்னவென்றால் தெலுங்கில் நடிக்க ஓ.கே. ஆனால், தமிழில் நடிக்க வேண்டுமானால் ஹீரோவை மாற்ற வேண்டும் என்று கூறியுள்ளார்.

இதுகுறித்து விசாரித்த போது, அனுஷ்கா தமிழ் மற்றும் தெலுங்கில் நம்பர்-1 நடிகையாக வலம் வந்து கொண்டு இருக்கிறார். இந்நிலையில் இந்த இடத்தை தக்க வைக்க இரண்டு மொழியிலும் முன்னணி ஹீரோக்களுடன் நடிப்பது என்ற கொள்கையில் இருக்கிறார். ஆனால் லாரன்ஸை ‌பொருத்த வரையில் தெலுங்கில் தான் மிகவும் பிரபலம், தமிழில் அப்படி சொல்லும்படியான படங்கள் எதுவும் அவருக்கு அமையவில்லை. அதனால் தான் ஹீரோவை மாற்றும்படி கேட்டுள்ளார் அனுஷ்கா. அனுஷ்காவின் இந்த அறிவிப்பு, லாரான்ஸை அதிர்ச்சிக்கு உள்ளாக்கியுள்ளது.(dinamalar)