நவ்யா நாயரை காப்பி அடிக்கவில்லை

"நாடோடிகள்' படத்துக்குப் பின் தமிழில் நடிக்காமல் இருந்த அனன்யா தற்போது "சீடன்' படத்தை முடித்துள்ளார். ""கடந்த வருடம் தமிழில் எனக்கு எந்தப் படமும் இல்லை.

மலையாளம் உள்ளிட்ட மொழிகளில் 13 படங்களில் நடித்து விட்டேன். ஒரு வருடத்துக்குப் பிறகு தனுஷின் "சீடன்' படத்தில் நடிக்கிறேன். இது மலையாளத்தில் வந்த "நந்தனம்' படத்தின் ரீமேக். அதில் நவ்யா நாயர் ஹீரோயின்.

அப்படத்தை பார்த்தேன். ஆனால்  நவ்யாநாயரை காப்பி அடிக்கவில்லை. இயக்குநர் சுப்பிரமணியம் சிவா சொல்லிக் கொடுத்ததை அப்படியே செய்திருக்கிறேன். தனுஷ் எனக்கு சீனியர். நடிப்பு பற்றி நிறைய விஷயங்கள் சொல்லி கொடுத்தார். கிளாமர் வேடங்கள் நிறைய தமிழில் வருகின்றன. ஒரு பாடல் வாய்ப்பும் வருகிறது.

எதை நான் எதிர்பார்க்கவில்லையோ. அதுவே என்னை தேடி வருகிறது. எவ்வளவு சம்பளம் கொடுத்தாலும் என் பாலிசியை மாற்றிக் கொள்ள மாட்டேன். நல்ல கதைகள், கேரக்டர்களே என் தேர்வு. அடுத்து ஏ.ஆர்.முருகதாஸ் தயாரிக்கும் படம் உள்பட இரண்டு படங்களில் நடிக்கிறேன்'' என்றார் அனன்யா.