லிப் டூ லிப்: அசின் மறுப்பு

ரெடி படத்தின் மூலம் சல்மானுடன் மீண்டும் ஜோடி போட்டு இருக்கும் அசின், அப்படத்தில் சல்மானுடன் லிப் டூ லிப் முத்தக் காட்சியில் நடித்ததாக செய்திகள் வந்துள்ளது. ஆனால் இதனை அசின் மறுத்துள்ளார்.

கஜினி படத்தின் மூலம் இந்திக்கு போனவர் அசின். அப்படத்தின் வெற்றியால் லண்டன் ட்ரீம்ஸ் என்ற படத்தில் சல்மானுடன் நடிக்க வாய்ப்பு கிடைத்தது. ஆனால் இப்படம் ஃப்ளாப் ஆனது. இப்போது ரெடி படத்தின் மூலம் மீண்டும் சல்மானுடன் ஜோடி சேர்ந்து நடித்து இரக்கிறார். இப்படத்தின் சூட்டிங்
முடிந்து இன்னும் சில தினங்களில் வெளிவர இருக்கிறது. இந்நிலையில் ரெடி படத்தில் சில காட்சிகளில் சல்மானுடன் மிக நெருக்கமாக அசின நடித்திருப்பதாகவும், சல்மானுடன் லிப் டூ லிப் முத்த காட்சிகளிலும், படுக்கையறைக் காட்சிகளில் மிக நெருக்கம் காட்டியுள்ளதாகவும் கூறப்படுகிறது. படத்தில் இந்தகாட்சிகள் மிகவும் அவசியம் என்பதால் அசின் இத்தகைய காட்சிகளில் நடித்ததாக கூறப்படுகிறது. ஆனால் இதனை அசின் மறுத்துள்ளார், அத்துடன் ஆவேசமும் பட்டுள்ளார்.

இதுகுறித்து அவர் கூறியதாவது, என்னைப்பற்றி நிறைய கிசு கிசுக்களும், வதந்திகளும் வந்து வண்ணம் உள்ளன. அதில் இதுவும் ஒன்று. ரெடி படத்தில் அத்தகைய காட்சிகளில் நான் நடிக்கவேயில்லை. இனிமேலும் அதுபோன்று நடிக்க மாட்டேன். ரெடி படம், குடும்ப பாங்கான படம். ஆகையால் படத்திற்கு அத்‌தகைய காட்சிகள் தேவையில்லை. படத்தில் சல்மானுடன் லிப் டூ லிப் காட்சியிலும், நெருக்கமான காட்சியிலும் நடிக்கவேயில்லை. இதுதவிர நீச்சல் உடையில் நான் நடிப்பதாக செய்திகள் வெளிவருகின்றன. அதுவும் உண்மையில்லை.